ඉන්දීය ගායන ලොව 'රන් ස්වරය' නිහඬ වෙයි - ආශා බෝස්ලේ සමුගනී Sinhala Only

ලොව වැඩිම ගීත සංඛ්‍යාවක් ගායනා කර ගිනස් වාර්තාවට පවා හිමිකම් කී, ඉන්දීය කෝකිලාවිය ලෙස විරුදාවලිය ලත් ලතා මංගේෂ්කාර්ගේ ආදරණීය සොහොයුරිය වූ ආශා බෝස්ලේ මහත්මිය අද දිනයේ මුළු මහත් කලා ලොවම ශෝකයට පත් කරමින් සමුගෙන තිබෙනවා. මුම්බායි හි බ්‍රීච් කැන්ඩි (Breach Candy) රෝහලේ දැඩි සත්කාර ඒකකයේ ප්‍රතිකාර ලබමින් සිටියදී ඇය මෙලෙස මෙලොව හැර ගොස් ඇති බවයි වාර්තා වන්නේ. ​1933 වසරේ උපත ලැබූ ඇය, සිය වසර 80 කට අධික කලා ජීවිතය තුළ භාෂා 20 කට වැඩි ගණනකින් ගීත 12,000 කට අධික ප්‍රමාණයක් ගායනා කර තිබෙනවා. "Dum Maro Dum", "Piya Tu Ab To Aaja" වැනි වේග රිද්ම ගීතවල සිට "Dil Cheez Kya Hai" වැනි සංවේදී ගීත දක්වා ඇය පෑ දස්කම් අසමසමයි. ​ඇයගේ අභාවය වෙනුවෙන් ඉන්දීය අගමැති නරේන්ද්‍ර මෝදි ඇතුළු ලොව පුරා කලාකරුවන් සිය ශෝකය පළ කරමින් සිටිනවා. ආශා බෝස්ලේගේ සමුගැනීම බොලිවුඩ් සිනමාවේ එක් ස්වර්ණමය යුගයක නිමාව සනිටුහන් කිරීමක් බඳුය. ඇයගේ අවසන් කටයුතු හෙට දිනයේ රාජ්‍ය ගෞරව සහිතව මුම්බායි හිදී පැවැත්වීමට නියමිතයි.